तुम रक्षक काहू को डराना – हनुमान चालीसा | Shree Hanuman Chalisa | Hanuman Bhajan श्री हनुमान चालीसा

https://www.youtube.com/watch?v=VlFRZUzqnXY

तुम रक्षक काहू को डराना – हनुमान चालीसा | Shree Hanuman Chalisa | Hanuman Bhajan | Chalisa

🔔 मेरे प्रिय भक्तों आप सभी से अनुरोध है कि @bhajanindia चैनल को Subscribe करें व भक्ती भजनो का आनंद ले व अन्य भक्तों के साथ SHARE करें व LIKE जरूर करें 🙏 https://youtube.com/@bhajanindia

Popular Hanuman Bhajan:
🙏Bich Bhawar Me Kashti Ho – https://youtu.be/MHUqMlSFXPM
🙏Meri Galti Kshama Karna – https://youtu.be/WuKMW1Qa_Oc
🙏Door Karo Dukh Mera Hanuman – https://youtu.be/zqtvU1zBgq8
🙏Khusiyon Se Jhoome Maan Sare – https://youtu.be/eRUWlS7OduU
🙏Hamara Aise Hai Hanuman – https://youtu.be/k3p4hGq2wpI
🙏Hey Dukh Bhanjan – https://youtu.be/56R6dB9038g

Credits:
Singer : Gopal Dass
Lyrics : Traditional
Music : Sourabh Kumar
Music Label: Wings Music
© & ℗ Wings Entertainment Ltd

Lyrics:
श्री गुरु चरन सरोज रज
निज मनु मुकुरु सुधारि
बरनऊं रघुवर बिमल जसु
जो दायकु फल चारि
बुद्धिहीन तनु जानिके
सुमिरौं पवन कुमार
बल बुद्धि विद्या देहु मोहिं
हरहु कलेस विकार

जय सियाराम जय सियाराम जय सियाराम

जय हनुमान ज्ञान गुन सागर
जय कपीस तिहुं लोक उजागर
रामदूत अतुलित बल धामा
अंजनि पुत्र पवन सुत नामा
महावीर विक्रम बजरंगी
कुमति निवार सुमति के संगी
कंचन बरन बिराज सुबेसा
कानन कुंडल कुंचित केसा
हाथ बज्र और ध्वजा बिराजे
कांधे मूंज जनेऊ साजे
संकर सुवन केसरी नंदन
तेज प्रताप महा जग बंदन

जय सियाराम जय सियाराम जय सियाराम

विद्यावान गुनी अति चातुर
राम काज करिबे को आतुर
प्रभु चरित्र सुनिबे को रसिया
राम लखन सीता मन बसिया
सूक्ष्म रूप धरि सियहिं दिखावा
बिकट रूप धरि लंक जरावा
भीम रूप धरि असुर संहारे
रामचंद्र के काज संवारे
लाय संजीवन लखन जियाये
श्री रघुवीर हरषि उर लाये
रघुपति कीन्ही बहुत बड़ाई
तुम मम प्रिय भरत सम भाई
सहस बदन तुम्हरो जस गावैं
अस कहि श्रीपति कंठ लगावैं
सनकादिक ब्रह्मादि मुनीसा

नारद सारद सहित अहीसा
जम कुबेर दिगपाल जहां ते
कबि कोबिद कहि सके कहां ते
तुम उपकार सुग्रीवहिं कीन्हा
राम मिलाय राज पद दीन्हा
तुम्हरो मंत्र विभीषन माना
लंकेश्वर भए सब जग जाना
जुग सहस्र जोजन पर भानू
लील्यो ताहि मधुर फल जानू
प्रभु मुद्रिका मेलि मुख माहीं
जलधि लांघि गये अचरज नाहीं
दुर्गम काज जगत के जेते
सुगम अनुग्रह तुम्हरे तेते
राम दुआरे तुम रखवारे
होत न आज्ञा बिनु पैसारे
सब सुख लहै तुम्हारी सरना
तुम रक्षक काहू को डर ना
आपन तेज सम्हारो आपै
तीनों लोक हांक तें कांपै
भूत पिशाच निकट नहिं आवै
महावीर जब नाम सुनावै
नासै रोग हरै सब पीरा
जपत निरंतर हनुमत वीरा
संकट ते हनुमान छुड़ावै
मन क्रम वचन ध्यान जो लावै
सब पर राम तपस्वी राजा
तिनके काज सकल तुम साजा
और मनोरथ जो कोई लावै
सोइ अमित जीवन फल पावै
चारों जुग परताप तुम्हारा
है परसिद्ध जगत उजियारा
साधु संत के तुम रखवारे
असुर निकंदन राम दुलारे
अष्ट सिद्धि नौ निधि के दाता
अस वर दीन जानकी माता
राम रसायन तुम्हरे पासा
सदा रहो रघुपति के दासा
तुम्हरे भजन राम को पावै
जनम-जनम के दुख बिसरावै
अंतःकाल रघुवर पुर जाई
जहां जन्म हरि भक्त कहाई
और देवता चित्त न धरई
हनुमत सेइ सर्व सुख करई
संकट कटै मिटै सब पीरा
जो सुमिरै हनुमत बलबीरा
जै जै जै हनुमान गोसाईं
कृपा करहु गुरुदेव की नाईं
जो सत बार पाठ करे कोई
छूटहि बंदि महा सुख होई
जो यह पढ़ै हनुमान चालीसा
होय सिद्धि साखी गौरीसा
तुलसीदास सदा हरि चेरा
कीजै नाथ हृदय मंह डेरा
पवन तनय संकट हरन
मंगल मूरति रूप
राम लखन सीता सहित
हृदय बसहु सुर भूप

#Hanumanchalisa #Hanumanbhajan #Hanumanbhakti